30-12-2015
1331-рет қаралды
Бөлісу

2015 жылғы ең үздік қазақстандық бейнебаяндар

2015 жылы қазақстандық әртістердің қоржыны хит әндерге толы болғаны көрермендерге жақсы таныс. Отандық шоу-бизнесте жаңашылдығымен көзге түскен бейнебаяндардың оқиғасы бүтін бір хикаядан сыр шерткендей әсер қалдырды. NUR.KZ ztb.kz-ке сілтеме жасап осы жылы тыңдарманның ерекше ықыласына бөленген бейнебаяндарды назарларыңызға ұсынады.

Ерке Есмахан мен Төреғали Төреәлі – “Алло”

 

Бір айдың ішінде “Алло” бейнебаянын 2 миллионға жуық көрермен тамашалаған. Ал аталмыш видеороликке тыңдармандар түрлі пародия мен қалжыңдар шығарып үлгерді. Ерке мен Төреғали ән шырқау кезінде телефондарын қолдарынан тастамайды.

Серік Ибрагимов – “Жаяу”

 

Осы жылдың теңдессіз хит әніше айналған Серік Ибрагимовтің “Жаяу” туындысы 1,5 миллион лайк жинаған. Тыңдармандардың сүйікті әніне айналған “Жаяу” еліміздің барлық думанды кештерінде шырқалды.

Қайрат Нұртас және Жанар Дұғалова – “Сен мені түсінбедің”

 

Қазақтың қос жұлдызы бірге ән салатын туындыны халықтың көп күткені рас. Қайрат Нұртас пен Жанар Дұғалова махаббат хикаясын әсерлі әнімен жанкүйерлердің жүрегіне жеткізе білді. Жанар

Дұғалова – “Айта берсін”

 

Сюжеті күрделі бейнебаяннан көрермендер Жанардың тамаша биін де, өзгелерге ұқсамайтын стилін де тамашалай алады.

Бейбіт Көшқалиев – “Қайтесің өзгені”

Бейбіт Көшқалиев осы жылы “Қайтесің өзгені ” әнімен тыңдармандар жүрегіне бірден жол тапты. Әннің бейнебаяны да тыңдарманына көтеріңкі көңіл-күй сыйлап, еріксіз билетіп жібереді.

Әли Оқапов – “Жаңғырық”

Әли Оқаповтың бейнебаяны әнші Батырхан Шүкеновтің құрметіне арнап түсірілген.

 

Мақпал Исабекова – “Хабарласпа”

Мылқау бойжеткеннің махаббат хикаясы ешкімді бейжай қалдырмайды. Бұл бейнебаян үшін Мақпал Исабекова ыммен түсіндіру тіліне арнайы жаттыққан көрінеді.

 

Мұзарт – “Жеңешем”

МұзАРТ” тобының “Жеңешем” деп аталатын әзіл аралас туындысы көпшіліктің езуіне күлкі үйіргені сөзсіз.

 

  Sanda – “Асқақ арманым”

 

Ерік Тастембековтің шәкіртінің махаббат туралы бейнебаяны да тыңдармандарын әуезділігімен баурап алды.

 

Нұржан Тәжікенов – “Ла-ла-лэй”

Дарынды домбырашының ерекше бейнебаяны көрермендердің таңданысын туғызып, ерекше ықыласына бөленді.

Ділнәз Ахмадиева – “Көз алдымда”

Ділнәз Ахмадиева бейнебаянында ғашығына деген сағынышы мен мұңын тебірене шырқайды. Әншінің сезімге берілген образын жанкүйерлері көңіліне ерекше жақын қабылдады.

“МұзАРТ” тобы – “Мен сені сүйемін”

Нәзіктік пен сезім пәктігін дәл сипаттайтын “МұзАРТ” тобының бейнебаяны ғашықтардың махаббатын ән әлемінде тербетті.

Мархаба Сәби – “Ұнайды маған”

Жас әртіс Мархаба Сәбидің жаңа әні тыңдармандардың көңілінен шыққаны соншалық, ғаламторда әннің бірнеше cover-нұсқасы пайда болды.

 

Ілмектер