05-12-2015
1085-рет қаралды
Бөлісу

Роза Әлқожаны алдап кетті

Әнші Роза Әлқожа Instagram парақшасында жақында болатын концертіне ақша таппай қалғанын, қолдау көрсетуге уәде берген азаматтардың сөзінде тұрмағанын ашына жазды. Роза Әлқожа өзінің ауылдастары Қазақстанда еместігіне де көңілі түскен. Ол барлық реніш демеушілік жасайтын азаматтардың аяқ асты сөзінен тайқып кетуінен шыққанын алға тартады. Әртіс руластар мен жерлестердің қолдауына мұқтаж екенін концерт қоярда сезетінін жасырмайды. “Елге қарасаң ағалары ақыл қосып, жеңгелері көп қызмет істеп, ауылы ат мінгізіп, ағайыны той жасап жатады. Бірақ мен руға жатпаймын. Сосын ауылым шекараның ар жағында…Ешкімге өкпем жоқ. Өнер өзімдікі, өзім үшін жұмыс жасаймын. Кемінде 3 миллионның шаруасына басым қатып отырған тек маған өкпелеп жатқандары күлкілі”, – деп жазады Роза Әлқожа. Әнші демеушілерінің “лақтырып” кетуінің себебін де түсіндірді. Бір ел ағасы концертте “ән айтып шықпағаны” үшін келмеймін десе, өзге кәсіпкер бір әншісіне “Роза ән бермеді” деп өкпесі қара қазандай болған. Ал тыңдармандар әншіге халықтың қолдауын ұмытпауды, концертке билет алушылардың көп екенін тынымсыз айтып жатыр.

Ақпарат: www.nur.kz