19-11-2015
10379-рет қаралды
Бөлісу

Шоу бизнестегі ең таңымал 10 қалыңдық

Үйлену той қашанда халыққа қызық. Ал танымал жұлдыздардың тойын халық білуге тіптен асығады. nur.kz порталы Қазақстандық шоу-бизнестегі ең танымал арулардың керемет тойларын ұсынып отыр. Қазақ киносындағы әдемі аруардың бірі Әлия 2014 жылы 14 маусымда тұрмысқа шықты. Әлияның жары Астана қаласында заң қызметкері болып жұмыс істейтін Азамат есімді жігіт. Тойға екі жастың достары, туыстары мен әріптестері жиналды. Тойдан соң жас жұбайлар Европаға саяхаттауға кетті.

 

Мәдина Сәдуақасова, әнші
Тәтті қылығымен, әдемі даусымен талайды баурап алатын әнші Мәдина Сәдуақасова 2014 жылы 2-ақпанда «Хабар» агенттігінде режиссер болып қызмет ететін Олжас деген жігітке тұрмысқа шықты. Мәдина Олжаспен төрт жыл бұрын «Таң қалмаңыз» бағдарламасында танысқан. Мәдина бағдарламада жүргізуші болса, Олжас режиссердің көмекшісі болған екен. Қазір Олжас пен Мәдинаның Әнуар есімді ұлдары бар.

Қарлығаш Мұхамеджанова, актриса
Қарлығаш Мұхамеджанова пен кәсіпкер Бекболат Балғымбаев 2012 жылы шаңырақ көтерді. Екі жас екі жылдай кездесіп тұрған. Қарлығаш мен Бекболат тойларын ешкімге жарияламай, тек жақындары мен туыстарын шақырған.

Динара Қырықбаева, әнші
Сүйкімді әнші Динара инстаграм парақшасында өзінің тұрмысқа шығатынын өзі айтты. Осы жылы 18 шілдеде Динара Олжас есімді жігітпен отбасын құрды.

Айдана Меденова, әнші
«Кешю» тобында ән салып, талай жігіттің арманына айналған Айдана топтан кеткен соң, тұрмысқа шықты. Айдананың таңдауы «Индиго» және «FM» топтарының продюсері Әлішер Нұржанов болды. Алматы қаласында өткен той 22-наурызда өтті. Ал 27-қазанда жастардың Әмина есімді қыздары дүниеге келді.

Аиша, әнші
Аиша танымал әнші Бүрткіттің асыл жары. Бүркіт қызды ұнатып, 3 рет үйленуге ұсыныс жасаған. Бірақ Аиша келіспеген. Бірақ, Аиша өз қателігін түсініп, соңында Бүркітке өзі ұсынып жасап, Алматыда дүбірлі той өткізді.

Аружан Жазылбекова, актриса
Актриса Аружан мен режиссер Ахат Ыбраевтың тойы туралы тек жақындары мен достары ғана білді. Көпшіліктен жасырын өткен той туралы халық тек әнші Әсел Садуақасованың инстаграм парақшасынан естіген болатын.

Аша Матай, тележүргізуші
Қыркүйек айында тележүргізуші Аша Матай мен «Mysterions» тобының әншісі Арман Қоңырбаевтың үйлену тойы өтті. Арман мен Аша бір жылдай кездесіп жүрген. Бірақ, тыңдармандарынан жасырып келген жұп тек жазда ғана кездесіп жүргенін айтқан еді.

Ділназ Ахмадиева, әнші
Ділназ Ахмадиеваның тойы туралы халық тіпті де білген жоқ. Келген қонақтар той туралы айтпауға, ал фотографтар суреттерді жарияламауға уәде берген. Ділназ бен Ахмадтың тойы Астана қаласында 2011 жылы өткен болатын.                               

    

Айым Алтынбекова, блогер

Айым Алтынбекова қыздарға сұлулықтың қыр-сырымен бөлісетін ару. Ол Қазақстанның еңбек сіңірген әртісі Лидия Каденованың ұлы, жас әнші әрі актер Дидар Каденге тұрмысқа шықты. Екі жас бұрыннан кездесіп жүрген, тек осы жылдың қараша айында  ғана үйлену туралы шешім қабылдаған.