07-11-2015
355-рет қаралды
Бөлісу

ЖАС ӘНШІ ТАМАША ОРМАНБАЕВА FLY PROJECT ТОБЫМЕН БІРІГІП ӘН ЖАЗДЫ

ЖАС ӘНШІ ТАМАША ОРМАНБАЕВА FLY PROJECT ТОБЫМЕН БІРІГІП ӘН ЖАЗДЫ
Tengrinews.kz сайты қазақстандық жас әнші Тамаша Орманбаева танымал румындық Fly Project тобымен бірігіп ән жазды деп хабарлайды. Топтың Toca Toca және Musica деп аталатын әндері көпшілікке таныс. Тамаша қазіргі кезде ТamiKa лақап атымен шығып жүр. ТamiKa Fly Project тобымен Wanna және Why Why деп аталатын екі ән жазып үлгерді.


Fly Project тобының әншілері қазақстандық талантты жас әншіні қолдауға арнайы Астанаға да келген. Топ мүшелері: «Біз Тамикамен өзінің алғашқы әндерін жазу үшін Румынияға біздің студияға келгенде таныстық. Ол өте талантты қыз және бірге жақсы жұмыс жасадық. Оны қолдау үшін Қазақстанға келгенімізге қуаныштымыз. Біздің сахнада жүргенімізге 10 жылдай уақыт болды және сол тәжірибемізбен бөлісуге дайынбыз. Тамикаға шоуды қалай жасау керектігі жөнінде бірнеше кеңестер де бердік. Біз Тамиканың музыкалық карьерасы өте жақсы дамитындығына сенеміз»-деді.
Айта кетейік, Тамаша Орманбаева ресейлік «Хочу в ВИА Гру» шоуына қатысқан болатын. Аталған шоуда Роза Рымбаеваның «Любовь настала» әнін орындап, көрермендердің есінде тамаша дауысымен есте қалған еді.