02-02-2016
1991-рет қаралды
Бөлісу

Отандық журналист Тука ға асабалықты тастауға кеңес берді

Отандық журналист Нұрлан Әубәкір ел арасында "Тука" болып танылған Нұржан Төлендиевке тамадалықты тастап, өнерге көбірек көңіл бөлуге шақырды.

Автор "" басылымында  «Шаншар» мен «Алдараспан» театрлары ғана қазақы әзілдің еңсесін тік ұстап тұрғанын ашық жазады.

"Алдараспанның» негізін қалаған Нұржанның айрықша атап өтетін қасиеті – ол әзіл-сықақ скечтеріне тұтас жанр, кесек дүние ретінде қарайды. Көше приколдарын олпы-солпы, қарабайыр күйінде алып шыққанын көрген емеспіз. Иә, Нұржан өзіне қажетті материалды халықтың ортасынан, яғни шынайы өмірден алады", - дейді журналист.

Автордың пайымынша, қазір көптеген өнер иелері (арасында ақындар да бар) талантын тамадалыққа пұлдап жүр. Олардың арасында той жағалап, жел соққан қаңбақтай жүйткіп жүргендер өнерін өркендетуге уақыт таппайды.

"Ал біздің актерлерді бүгін үлкен сахнадан көрсең, ертесі тойдан болмайтын анекдот айтып тұрғанын көріп, өнерге деген құрметің кемиді", - дейді журналист.

"Біз әңгіме етіп отырған Нұржан Төлендиев де асабалықпен айналысатынын білеміз. Өнер көгінде самғап, жұрттың көзайымына айналған Нұржан қазір жолайрықта тұрғандай. Ол Құдай берген өнерін сақтап қалғысы келсе, тамадалықты тастап, өнерін дамытуға күш салуы керек-ақ", - деп түйіндеді журналист.

 

Дереккөз: Nur.kz
Ілмектер