30-10-2016
591-рет қаралды
Бөлісу

Баян Есентаеваның жаңа фильмінде басты рөлді Тәуекел Мүсілім сомдайды

Естеріңізде болса, Баян Есентаева ұйымдастырылуына өзі ұйытқы болған «Қазақ аруы» байқауы туралы фильм түсіретінін айтқан еді. Продюсердің айтуынша, басты рөлді актер Тәуекел Мүслім сомдайды. Ал оның серігі енді іздестіріледі. Есентаева басты рөлді сомдайтын қызды Қазақстанның түкпір-түкпірінен іздемек. «Нақты айта аламын, басты рөлді Тәуекел Мүслім сомдайтын болады. Бұл фильмде Тәуекел өзін-өзі ойнайды, яғни жобаның жүргізуші болады. Қазіргі уақытта актерлерге кастинг жүріп жатыр. Басты рөлді сомдауға жаңа қыз іздеп жатырмыз. Тәуекел екеуінің арасында махаббат хикаясы орнайды. Басты рөлге «Кеш you» тобынан не басқа да біздің продюсерлік орталықтағы қыздарды алмаймыз. Оны ешкім танымауы тиіс. «Махаббат бекеті» фильміне түспес бұрын мен де кастингтен өттім, ол кезде мені де ешкім таныған жоқ. Есесіне қазақстандық кинематография саласында жаңа есім пайда болды. Сол сияқты мен де жаңа жұлдыздың жарығын жақсам деймін», – деді Есентаева. Айта кетейік, жаңа фильмге Есентаеваның өзі де түсетін болады. Продюсер «Қазақ аруы» байқауының бас продюсерінің, яғни өзінің рөлін сомдайды.

 

Немного секретов о предстоящем проекте. #казакаруы

A video posted by Bayan Maxatkyzy (@bayanmaxatkyzy) on

 

Интервью - это моё продолжение...

A video posted by Bayan Maxatkyzy (@bayanmaxatkyzy) on

Ілмектер